Հեղինակ Նելլի Ռաֆայելյան

Հոգատարություն՝ հոգսաշատ Տավուշում

Տավուշի սահմանամերձ համայնքներում երեխաները դպրոց են գնում անվտանգության նպատակով կառուցված պատերի տակով, իսկ դպրոցներն ու մանկապարտեզները նման են զնդանների, անվտանգության նկատառումներով փակված են պատուհանների մեծ մասը: Հանգուցյալներին հուղարկավորում են մի քանի հոգով և գիշերով, որովհետև այդ ժամերը պակաս վտանգավոր են: Համայնքների մշակովի հողերի 70-80 տոկոը կրակի տակ են և չեն մշակվում: Ադրբեջանի հենակետերից 1-5 կմ հեռավորության վրա գտնվող համայնքներում երեխաների ապահովության համար, հասարակական նախաձեռնությամբ, այս տարի սկսել են կառուցվել խաղաթաքստոցներ: Տավուշի առավել վտանգված և խոցելի համայնքներում աշխատում են տարբեր հասարակական կազմակերպություններ, որոնք իրականացնում են տնտեսական զարգացման, կրթամշակութային, հոգևոր ծրագրեր: Ի՞նչ են փոխում այդ ծրագրերը տավուշեցու կյանքում: Զրուցում են Բաղանիս գյուղի վարչական ղեկավար Նարեկ Սահակյանը և «Պահապան» զարգացման հիմնադրամի գործադիր տնօրեն Ինգա Հարությունյանը: 

Մտահոգություն հայկական Երուսաղեմի շուրջ

Երուսաղեմի Հին քաղաքը բաժանված է չորս՝ քրիստոնեական, մուսուլմանական, հայկական եւ հրեական թաղամասերի: ԱՄՆ նախագահ Դոնալդ Թրամփի՝ Երուսաղեմը Իսրայելի մայրաքաղաք ճանաչելու վերաբերյալ հայտարարությունից հետո, միջազգային և տեղական մամուլը անդադար քննարկում է Երուսաղեմի կարգավիճակի հավանական փոփոխության հնարավոր հետևանքները: Քաղաքի քրիստոնեական սրբավայրերի իրավատերերից մեկը Հայ առաքելական եկեղեցին է, իսկ հոգևոր, մշակութային, նյութական ժառանգությունը պատկանում է ամբողջ հայությանը: Ի՞նչ նոր իրողություններ կծնի Երուսաղեմի կարգավիճակի փոփոխությունը սաղիմահայության և, առհասարակ, հայության կյանքում: Թեմայի շուրջ զրուցում են «Ազգ» շաբաթաթերթի գլխավոր խմբագիր Հակոբ Ավետիքյանը և արաբագետ Հայկ Քոչարյանը:   

Հին աղանդները՝ նոր հոսանքներում

Մշակվում են Հայ առաքելական եկեղեցու կանոնադրական փաթեթները

2016-ի հունվարին, Ամենայն հայոց կաթողիկոսի ստորագրությամբ, շրջանառության մեջ դրվեց մի փաստաթուղթ, որով Գերագույն հոգևոր խորհրդի մի քանի անդամներից և աշխարհական իրավագետներից բաղկացած հանձնախումբ ստեղծվեց՝ պատրաստելու համար եկեղեցու կանոնադրական նոր փաստաթղթերը: Փաթեթների վերջնական քննարկումը սպասվում է 2018թ-ի փետրվարին:           

Ս. Գեղարդը դեկտեմբերի 2-ի տոնական պատարագին կբերվի Ս. Էջմիածնի մայր տաճար

Դեկտեմբերի 2-ին Հայ եկեղեցին կնշի հիմնադիր առաքյալների՝ Ս. Թադեոսի և Բարդուղիմեոսի տոնը: Ս. Էջմիածնի ավանդատուն-թանգարանի պահոցից դուրս կբերվի Հայ եկեղեցու գլխավոր սրբություններից մեկը՝ Աստվածամուխ Ս. Գեղարդը:

Հայկական կրթության խնդիրները Թուրքիայում այսօր

Թուրքիայի հայկական դպրոցները կանգնած են նոր խնդիրների առջև. մտահոգված է «Ակօս» թերթի հայկական բաժնի խմբագիր Բագրատ Էստուկյանը:

Տայքի հոգևոր-մշակութային ժառանգության յուրացումը

Վրաց գիտնականների պնդումների համաձայն, Մեծ Հայքի 14-րդ նահանգը՝ Տայքը, մշտապես բնակեցված է եղել էթնիկ վրացիներով, իսկ հայերը եղել են վերաբնակիչներ: Վրացագիտության այս տեսակետի հիման վրա վրացական կողմը հավակնություններ ունի պատմական Տայքի ոչ միայն կրոնական և աշխարհիկ ճարտարապետական շինությունների, այլ նաև հոգևոր-մշակութային ձեռքբերումների նկատմամբ: Տայքի՝ ներկայիս Թուրքիայի տարածքում գտնվող ճարտարապետական շատ կառույցներ, ըստ վերջին ժամանակներում տեղադրված ցուցանակների, վրացական են և այնտեղ ուսումնասիրություններ և վերականգնման աշխատանքներ իրականացնում է նաև վրացական կողմը: Տայքի ճարտարապետության և ժողովրդագրական վիճակի վերաբերյալ հայկական ուսումնասիրությունների մասին զրուցում են ճարտարապետության թեկնածու Դավիթ Նահատակյանը և պատմական գիտությունների թեկնածու Արկադի Ակոպովը: 

«Հայաստան համահայկական հիմնադրամի» ծրագրերն ու Հայ եկեղեցին

Հայկական ուսումնասիրությունների «Անի» կենտրոնի տվյալներով, Հայ առաքելական եկեղեցին «Հայաստան համահայկական հիմնադրամի» խոշորագույն նվիրատուների ցանկում է: Այդ ցանկում հայտնվել են այն անհատներն ու կազմակերպությունները, որոնց կատարած նվիրաբերությունները անցնում են մեկ միլիոն դոլարը: 

Երեխայի մասնավոր կյանքի իրավունքը

Երեխայի մասնավոր կյանքի անձեռնմխելիության և պաշտպանության օրենսդրական դրույթների, երեխայի արժանապատվության ոտնահարման և դրա հետևանքով առաջացած հուզական ոլորտի խախտումների, ընտանեկան կյանքի հրապարակային քննարկման հետևանքների մասին զրուցում են հոգեբան Հրաչյա Ամիրյանը և «Վորլդ Վիժըն Հայաստան» կազմակերպության երեխաների պաշտպանության ծրագրերի տնօրեն Աիդա Մուրադյանը:

Հայաստան և հարևաններ. խաղաղության փնտրտուք. մաս 6-րդ

Եկեղեցիների համաշխարհային խորհրդի հայաստանյան միջեկեղեցական բարեգործական Կլոր սեղան հիմնադրամի «Հայաստան և հարևաններ. խաղաղության փնտրտուք» ծրագրի հերթական քննարկումը նվիրված է Հայաստան-Վրաստան-Իրան-Թուրքիա առանցքին: Աշխարհում տեղի ունեցող սրընթաց փոփոխությունների ֆոնին Հարավային Կովկասում համագործակցության ի՞նչ նոր հեռանկարներ կան, ինչպե՞ս կարող են դրանք ծառայել խաղաղության պահպանմանը տարածաշրջանում: Զրուցում են Վրաստանի տարածաշրջանային անվտանգության հարավկովկասյան ինստիտուտի տնօրեն Ալեքսանդր Ռուսեցկին, թուրք լրագրող Սերդար Քորուջուն և Երևանի Կապույտ մզկիթի իմամ Ալի Մոհհամմադ Շաջաանը: