Օպերատոր Արտաշես Մաթևոսյան

Առաջին թուղթը թեսաղոնիկեցիներին (2:2-9)

Պողոս առաքյալը թեսաղոնիկեցիներին ուղղված առաջին նամակում խոսում է իր կրած չարչարանքների մասին, անդրադառնում առաքյալի անշահախնդիր նվիրվածությանը և քրիստոնեական սիրո գաղափարին: Պողոս առաքյալի՝ թեսաղոնիկեցիներին ուղղված առաջին թղթի 2:2-9 հատվածը մեկնում է Առնակ քահանա Հարությունյանը:

Րոֆֆի Պետրոսյան

Րոֆֆի Պետրոսյանը կես հայ է, կես ամերիկացի: Կիսատ լինելու զգացողությունը մշտապես նրա հետ է եղել: 31 տարեկանում որոշում է գալ Հայաստան և հասկանալ՝ ինչ է նշանակում լինել հայ: Արդեն 4 տարի է Հայաստանում է, ճամփորդել է հյուսիսից հարավ, արևմուտքից արևելք ու բացահայտել իր պատմությունը, որը ցանկանում է փոխանցել իր երեխաներին: 

Մարդն առանց հատկությունների. Մուզիլից՝ Չարենց

Ինչպե՞ս է քաղաքակրթության զարգացումն անդրադառնում մարդու վրա, ինչպիսի՞ն է կայսրության փլատակների տակ մնացած մարդու ճակատագիրը: Ինչո՞ւ է քաղաքական, տնտեսական, սոցիալական բուռն տեղաշարժերի մեջ անհատը տրոհվում, կորցնում ինքնությունը, ոչնչանում: Ո՞վ է մարդն առանց հատկությունների: Այս հարցերը լայնորեն քննարկվում են 20-րդ դարի արևմտյան գրականութան, մասնավորապես, Ռոբերտ Մուզիլի «Մարդն առանց հատկությունների» ստեղծագործության մեջ: Այս հարցերի շուրջ Հայկ Համբարձումյանը զրուցել է գրականագետ, թարգմանիչ, բանաստեղծ  Աշոտ Ալեքսանյանի հետ:

Առաջին թուղթը թեսաղոնիկեցիներին (1:4-10)

Ի՞նչ է նշանակում եկեղեցի, ի՞նչ է նշանակում ապրել նեղության մեջ՝ Սուրբ Հոգու ուրախությամբ: Պողոս առաքյալի՝ թեսաղոնիկեցիներին ուղղված առաջին թղթի 1:4-10 հատվածը մեկնում է Առնակ քահանա Հարությունյանը:

Ֆրանսահայ գրականություն

Առաջին թուղթը թեսաղոնիկեցիներին (1:1-3)

Պողոս առաքյալի` թեսաղոնիկեցիներին ուղղված առաջին նամակի 1:1-3 հատվածը մեկնում է Առնակ քահանա Հարությունյանը:

Հայ օպերան և օպերային արվեստի զարգացման արդի միտումները

Արդի աշխարհում, ժամանցի ու զվարճանքի միջոցների բազմազանության մեջ, գնալով դժվարանում է օպերային արվեստի նկատմամբ հետաքրքրություն առաջացնելն ու պահելը: Արտասահմանյան հայտնի թատրոններում վաղուց արդեն այլ խայծեր ու միջոցներ են օգտագործում հանդիսատեսին թատրոն բերելու համար. ներկայացումները արդիականցվում են, դերասանները մերկանում և այլն: Մյուս կողմից օպերան մեծամասշտաբ ու ծախսատար ժանր է և հաճախ կարող ենք լսել, որ փոքր երկրները չեն կարող իրենց թույլ տալ օպերային մեծ ներկայացումներ: Ինչպե՞ս են մեր օպերային թատրոնում դիմագրավում նոր մարտահրավերներին, ի՞նչ ծրագրեր ու ներկայացումներ են սպասվում: Այս հարցերի մասին Հայկ Համբարձումյանը  զրուցել է Տ. Չուխաջյանի անվան միջազգային ինստիտուտի հիմնադիր տնօրեն, ռեժիսոր, դերասան Ժիրայր Փափազյանի հետ: 

Սերգեյ Թովմասյան

Դերասան Սերգեյ Թովմասյանը սոճու փայտից պատկերներ է ստանում, որոնք կարծես շնչում են ու շարժման մեջ են: Թեմաները հայկական են ու համամարդկային: «Ես ավելի շատ սիրում եմ հայկական թեմատիկան իմ գործերում, որովհետև իմ արմատներն այստեղ են, ոչ մի այլ տեղում ես չեմ կարող այսպիսի գործեր ստեղծել»,- ասում է Սերգեյը:

Պողոսը՝ հեթանոսների առաքյալ

Տայքի հոգևոր-մշակութային ժառանգության յուրացումը

Վրաց գիտնականների պնդումների համաձայն, Մեծ Հայքի 14-րդ նահանգը՝ Տայքը, մշտապես բնակեցված է եղել էթնիկ վրացիներով, իսկ հայերը եղել են վերաբնակիչներ: Վրացագիտության այս տեսակետի հիման վրա վրացական կողմը հավակնություններ ունի պատմական Տայքի ոչ միայն կրոնական և աշխարհիկ ճարտարապետական շինությունների, այլ նաև հոգևոր-մշակութային ձեռքբերումների նկատմամբ: Տայքի՝ ներկայիս Թուրքիայի տարածքում գտնվող ճարտարապետական շատ կառույցներ, ըստ վերջին ժամանակներում տեղադրված ցուցանակների, վրացական են և այնտեղ ուսումնասիրություններ և վերականգնման աշխատանքներ իրականացնում է նաև վրացական կողմը: Տայքի ճարտարապետության և ժողովրդագրական վիճակի վերաբերյալ հայկական ուսումնասիրությունների մասին զրուցում են ճարտարապետության թեկնածու Դավիթ Նահատակյանը և պատմական գիտությունների թեկնածու Արկադի Ակոպովը: