Օպերատոր Արտաշես Մաթևոսյան

Ինչպես է փրկվում Մայր տաճարը

Ս․Էջմիածնի մայր տաճարն ամբողջությամբ փակ է։ Հայ, իատալացի և ճապոնացի հետազոտողների եզրակացության համաձայն, տաճարը խիստ վթարային վիճակում է: Տաճարը փլուզումից փրկելու համար այստեղ լայնածավալ վերականգնողական աշխատանքներ են սկսվել: Ինչպե՞ս են ընթանում այդ աշխատանքները և որքա՞ն ժամանակ տաճարը դեռ փակ կմնա: Զրուցում են վերականգնող ճարտարապետ Ամիրան Բադիշյանը և նկարիչ-վերականգնող Աշխեն Պապոյանը: 

Ընտանիքում բռնությունը՝ ըստ ՀՀ օրենքի

«Արարատ» ամսագրի 150 տարիները

150 տարի առաջ հիմնադրվեց և մինչ 1919 թվականը գոյությունը պահպանեց հայագիտական ամենահայտնի ամսագրերից մեկը՝ Ս. Էջմիածնի «Արարատը»: Ամսագիրը կարևոր նշանակություն ունեցավ հայ իրականության մեջ կրոնական-եկեղեցական, ազգագրական, բանասիրական, մշակութաբանական բազմազան հարցերի արծարծման ու լուսաբանման գործում: «Արարատ» ամսագրի առաքելության, գործունեության ու դերի մասին Հայկ Համբարձումյանը զրուցել է գրականագետ Վարդան Դևրիկյանի հետ:

Կրթական հեղափոխություն` սպասելիքներ և անորոշություն

Մշակութային հեղափոխություն արտահայտությունը խիզախ և գեղեցիկ է: Բայց մշակութային հարաբերությունների մեջ կարևոր բաղադրիչ է կրթական գործընթացը: Իսկ կրթական հեղափոխությունը վախեցնող չէ՞: Քննարկում են Կրթական քաղաքացիական նախաձեռնության անդամ Վահրամ Սողոմոնյանը և կրթության փորձագետ Արեգ Թադևոսյանը: Զրույցը վարում է Աննա Սարգսյանը: 

Աշխատանքն ազատազրկման վայրերում

Դադիվանք. վերածնված հրաշալիք

Լույս է տեսել «Դադիվանք. վերածնված հրաշալիք» եռալեզու գիրքը, որտեղ ներկայացված է Դադիվանքի ինքնատիպ որմնանկարչությունը և որմնանկարների վերականգնման ընթացքը: Ինչո՞վ են առանձնանում Դադիվանքի որմնանկարները, ի՞նչ ծրագրերով է հնարավոր մեր որմնանկարչական ժառանգությունը պահպանել ու հանրահռչակել աշխարհում: Այս հարցերի մասին Հայկ Համբարձումյանը զրուցել է «Վիկտորիա» մշակութային հիմնադրամի ղեկավար Գայանե Գեորգյանի հետ:

Մշակութային հեղափոխություն, թե՞ հեղափոխության մշակույթ

Երկար տարիներ փոփոխությունների սպասող հանրությունը արձանագրել է հեղափոխություն: Ավելին, արձանագրել է հեղափոխություն անելու մշակույթի փոփոխություն: Իսկ կարո՞ղ ենք կամ պե՞տք է անել մշակութային հեղափոխություն: Քննարկում են մշակութային մարդաբան Աղասի Թադևոսյանը և արվեստագետ Արման Գրիգորյանը: Զրույցը վարում է Աննա Սարգսյանը: 

Կետը, գիծն ու գույնը` ըստ Վ. Կանդինսկու

Առաջին անգամ հայերեն լույս են տեսել Վասիլի Կանդինսկու «Կետը և գիծը հարթության վրա» և «Նկարչի տեքստը. աստիճաններ» գործերը: Դրանցում ամբողջանում են 20-րդ դարի ամենահայտնի նկարիչներից մեկի գեղագիտական-տեսական հայացքները: Ինչո՞ւ իրավաբան Վ. Կանդինսկին 30 տարեկանում նկարիչ դարձավ, ի՞նչ նորություններ է բերել կերպարվեստ և որքանո՞վ են նրա ուսումնասիրությունները արդիական այսօր: Այս հարցերի մասին Հայկ Համբարձումյանը զրուցել է արվեստաբան Հայկուհի Սահակյանի հետ:

Pics Art

Pics Art հավելվածը հիմնադրվել է 2011 թվականին Հայաստանում, որպես մի հարթակ, որտեղ բոլորը անկաշկանդ ստեղծագործելու և արտահայտվելու հնարավորություն ունեն: Pics Art-ի հավելվածը ունի 500-ից ավելի ներբեռնում և մեկ միլիոնից ավելի օգտատեր: Հավելվածը հասանելի է ամբողջ աշխարհում՝ 30 լեզվով IOS, Android, Windows հարթակներում: Երևանի, Սան Ֆրանցիսկոյի, Լոս Անջելեսի, Պեկինի գրասենյակներում աշխատում է 350-ից ավելի աշխատակից: Հավելվածը բազմիցս ճանաչվել է որպես լավագույն հավելված Google Play-ի և Apple Store-ի կողմից:

Գրքի փառատոնն ու հրատարակչական խնդիրները

Մեկնարկեց «Գրքի երևանյան երկրորդ փառատոնը»: Այն ամփոփում է գրական-գրահրատարակչական տարին և Մշակույթի նախարարության գործունեությունն այս ոլորտում: Ինչո՞ւ և ինչպե՞ս փոխվեց նախարարության քաղաքականությունն այս ոլորտում, ի՞նչ նոր ծրագրեր են իրականացվել և ի՞նչ արդյունքներ կան: Այս հարցերի մասին Հայկ Համբարձումյանը զրուցել է ՀՀ մշակույթի նախարարության գրական ծրագրերի համակարգող Արմեն Սարգսյանի հետ: